Transcription
1
Monsieur de Gordes, j’ecriptz presentement à messieurs les trois presidens
2
advocat et procureurs generaulx du roy de la court de parlement de
3
mon gouvernement en faveur d’un nommé Sanson Fabry, pour raison d’ung
4
procès qu’il a pandant en ladite court pour la prevosté d’houre et pour aultant
5
que ledit Fabry m’a esté recommandé par aulcuns ausquelz je desire
6
faire singulièrement plaisir, je vous ay bien voullu escrire ce mot de
7
faire pour vous prier bien effectueusement tenir la main à ce que ledit
8
Fabry puisse, par vostre bon moien, obtenir en justice la plus prompte
9
et briesve expédition de sondit procès que faire ce pourra et de ce en parler
10
et de vous anploier de ma part auprès desdits sieurs presidentz, advocat
11
et procureurs susditz, dont je me ressailliraye comme de plaisir qu’aurez
12
faict à mon gouvernement et m’assurant qu’en cella me vouldrez bien
13
gratiffier, je ne vous feray la presente plus longue, sinon prier
14
dieu vous donner, M. de Gordes, ce que plus désirez
15
de Mezières, ce dernier jour de mars 1572
16
vostre bien bon et affectionné
17
amy
18
Francoys de Bourbon